തിരുവനന്തപുരം: സംസ്ഥാനത്ത് ശക്തമായ മഴയ്ക്ക് സാധ്യത. വിവിധ ജില്ലകളില് റെഡ് അലര്ട്ട് പ്രഖ്യാപിച്ചു. ജൂലായ് 18ന് ഇടുക്കി, മലപ്പുറം ജില്ലകളില് റെഡ് അലേര്ട്ട് പ്രഖായാപിച്ചു. ജൂലായ് 19 ന് ഇടുക്കി, മലപ്പുറം, വയനാട്, കണ്ണൂര് എന്നീ ജില്ലകളിലും റെഡ് അലര്ട്ട് പ്രഖ്യാപിച്ചു. ജൂലായ് 20 ന് എറണാകുളം, തൃശ്ശൂര്, മലപ്പുറം ജില്ലകളിലും റെഡ് അലര്ട്ട് പ്രഖ്യാപിച്ചു.
അലര്ട്ട് പ്രഖ്യാപിച്ച ജില്ലകളില് അധിശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി. പൊതു ജനങ്ങള് കനത്ത ജാഗ്രതാ പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്കി.
ജൂലായ് 16 മുതല് 20 വരെ അറബിക്കടലില് തെക്ക് പടിഞ്ഞാറന് ദിശയില് നിന്ന് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റ് വീശാനും സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു.
മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്നും സംസ്ഥാന ദുരന്ത നിവാരണ അതോറിറ്റി മുന്നറിയിപ്പ് നല്കിയി. മുന്നറിയിപ്പ് നല്കിയ ദിവസങ്ങളില് മത്സ്യതൊഴിലാളികള് മത്സ്യ ബന്ധനത്തിന് പോകരുതെന്ന് മുന്നറിയിപ്പുണ്ട്.