ലണ്ടന്: ഈ വര്ഷത്തെ മാന് ബുക്കര് പുരസ്കാരം അറേബ്യന് എഴുത്തുകാരിയായ ജോഖ അല്ഹാര്ത്തിക്ക്. ‘സെലസ്റ്റിയല് ബോഡീസ്’ എന്ന നോവലിനാണ് പുരസ്കാരം ലഭിച്ചത്. ബുക്കര് ഇന്റര്നാഷണല് പുരസ്കാരം സ്വന്തമാക്കുന്ന ആദ്യ അറേബ്യന് എഴുത്തുകാരി എന്ന ബഹുമതിയും അലഹാര്ത്തി സ്വന്തമാക്കി.
അധിനിവേശ കാലത്തിന് ശേഷമുള്ള ഒമാന്റെ സാമൂഹിക രാഷ്ട്രീയ പശ്ചാത്തലത്തില് മൂന്ന് ഒമാനി സഹോദരിമാരുടെ കഥ പറയുന്നതാണ് സെലസ്റ്റിയല് ബോഡീസിന്റെ ഇതിവൃത്തം. ഇംഗീഷിലേക്ക് കൃതി വിവര്ത്തനം ചെയ്യപ്പെടുന്ന ആദ്യ ഒമാന് എഴുത്തുകാരിയുമാണ് അല്ഹാത്തി.
50,000 പൗണ്ട് (ഏകദേശം 44.31 ലക്ഷം രൂപ) ആണ് സമ്മാനമായി ലഭിക്കുക. നോവല് ഇംഗ്ലീഷിലേക്ക് മൊഴിമാറ്റിയ മെരിലിന് ബൂത്തുമായി സമ്മാനതുക പങ്കുവയ്ക്കും.