ന്യൂഡല്ഹി: പശ്ചിമ ബംഗാളില് തൃണമൂല് കോണ്ഗ്രസ്-ബിജെപി സംഘര്ഷം കനക്കുന്നു. കഴിഞ്ഞ ദിവസം ബിജെപി ദേശീയ അധ്യക്ഷന് അമിത് ഷായുടെ റോഡ് ഷോയ്ക്കിടെ ഉണ്ടായ ആക്രമണത്തിന് പിന്നാലെയാണ് തൃണമൂല് കോണ്ഗ്രസ്-ബിജെപി സംഘര്ഷം കനക്കുന്നത്.
മോഡി-അമിത് ഷാ കൂട്ടുകെട്ടിനെതിരെ രൂക്ഷ വിമര്ശനം മമത അഴിച്ചുവിടുമ്പോള് ബംഗാളില് ജനാധിപത്യത്തെ കൊല്ലുകയാണെന്ന പ്രചരണവുമായാണ് ബിജെപിയുടെ തിരിച്ചടി. മമതയുടെ ഗുണ്ടായിസത്തിനെതിരായ പ്രതിഷേധം എന്ന നിലയില് ജന്തര്മന്ദിറില് സംഘടിപ്പിച്ച പരിപാടിയില് നിരവധി കേന്ദ്രമന്ത്രിമാരാണ് അണിനിരന്നത്. പ്രതിരോധ മന്ത്രി നിര്മ്മല സീതാരാമനാണ് പ്രതിഷേധത്തിന് നേതൃത്വം നല്കിയത്. ചുണ്ടില് വിരല് വച്ച് ‘ ഇവിടെ മിണ്ടിക്കൂട’ എന്ന നിലയിലായിരുന്നു പ്രതിഷേധം. ബംഗാളിനെ രക്ഷിക്കൂ, ജനാധിപത്യത്തെ രക്ഷിക്കൂ എന്ന പ്ലക്കാര്ഡുകളുമായാണ് കേന്ദ്രമന്ത്രിമാര് പ്രതിഷേധത്തില് പങ്കെടുത്തത്.
അമിത് ഷായുടെ റാലിക്കിടെ ഉണ്ടായ സംഘര്ഷത്തില് നവോത്ഥാന നായകനായ ഈശ്വര് ചന്ദ്ര വിദ്യാസാഗറിന്റെ പേരിലുള്ള കോളജിലെ അദ്ദേഹത്തിന്റെ പ്രതിമ തകര്ക്കപ്പെട്ടിരുന്നു. അയല് സംസ്ഥാനങ്ങളില് നിന്ന് വന്ന ബിജെപി പ്രവര്ത്തകരും ഗുണ്ടകളും ചേര്ന്നാണ് പ്രതിമ തകര്ത്തതെന്നായിരുന്നു തൃണമൂല് ആരോപണം. ഇതില് പ്രതിഷേധിച്ച് തൃണമൂല് കോണ്ഗ്രസിന്റെ വിദ്യാര്ത്ഥി സംഘടനയും വായ്മൂടിക്കെട്ടി സമരം നടത്തി.
ലോക്സഭാ തെരഞ്ഞെടുപ്പ് അവസാന ലാപ്പിലേക്കെത്തുമ്പോള് പശ്ചിമ ബംഗാളില് രണ്ട് പാര്ട്ടികളും കയ്യാംകളിയിലേക്ക് പോവുകയാണ്. അവസാന ഘട്ടത്തില് 9 മണ്ഡലങ്ങളിലേക്കാണ് ബംഗാളില് തെരഞ്ഞെടുപ്പ് നടക്കുക. ഈ സീറ്റുകള് ലക്ഷ്യമിട്ടാണ് മമതയും ബിജെപിയും ഏറ്റുമുട്ടുന്നത്.