തിരുവനന്തപുരം: മുഖ്യ തെരഞ്ഞെടുപ്പ് ഓഫീസര് ടിക്കാറാം മീണ കാസര്കോട് മണ്ഡലത്തില് കള്ളവോട്ട് നടന്നെന്ന ആരോപണം സ്ഥിരീകരിച്ചു. പിലാത്തറ പത്തൊന്പതാം നമ്പര് ബൂത്തില് കള്ളവോട്ട് നടന്നതിന് തെളിവുണ്ടെന്ന് മുഖ്യതെരഞ്ഞെടുപ്പ് ഓഫീസര് വ്യക്തമാക്കി.
സെലീന, പത്മിനി, സുമയ്യ എന്നിവരാണ് കള്ളവോട്ട് ചെയ്തെന്ന് ടിക്കാറാം മീണ വാര്ത്ത സമ്മേളനത്തില് പറഞ്ഞു. മുന് പഞ്ചായത്ത് അംഗം സുമയ്യയും പഞ്ചായത്ത് അംഗം സെലീനയും ബൂത്ത് മാറി വോട്ട് ചെയ്തു. പത്മിനി എന്ന സ്ത്രി ഒരേ ബൂത്തില് രണ്ട് തവണ വോട്ട് ചെയ്തു.
സലീനയുടെ പഞ്ചായത്ത് അംഗത്വം റദ്ദാക്കാന് മുഖ്യ തെരഞ്ഞെടുപ്പ് ഓഫീസര് ടിക്കാറാം മീണ നിര്ദ്ദേശം നല്കി. പഞ്ചായത്ത് അംഗത്വം രാജി വച്ച് എംപി സലീന അന്വേഷണം നേരിടണമെന്നും മുഖ്യ തെരഞ്ഞെടുപ്പ് ഓഫീസര് ആവശ്യപ്പെട്ടു.