ഇന്നത്തെ കാലത്ത് കൊളസ്ട്രോള് ഇല്ലാത്തവര് വളരെ ചുരുക്കമായിരിക്കും. പ്രധാനകാരണം കഴിക്കുന്ന ഭക്ഷണം തന്നെയാണ്. എണ്ണയും,മാംസവുമൊക്കെ ഭക്ഷണത്തില് ധാരാളമായി ഉള്പ്പെടുത്തുന്നവര്ക്ക് കൊളസ്ട്രോള് സാധ്യത വളരെ കൂടുതലാണ്.
രക്തത്തില് കാണുന്ന കൊഴുപ്പ് ഘടകമാണ് കൊളസ്ട്രോള്. ഇതിന്റെ അളവ് അമിതമാകുമ്പോഴാണ് കൊളസ്ട്രോള് രോഗമായി മാറുന്നത്. അതേസമയം നല്ല കൊളസ്ട്രോള് ഘടകമായ എച്ച്ഡിഎല്ലിന്റെ അളവ് കൂടുന്നതാണ് ഹൃദയത്തിന് നല്ലത്.
കൊളസ്ട്രോള് നമുക്ക് തന്നെ കണ്ട്രോള് ചെയ്യാനാവും. എങ്ങനെയൊക്കെയാണെന്ന് നോക്കാം.
വ്യായാമം ചെയ്യാം
പൊതുവെ വ്യായാമം ചെയ്യുന്നത് ആരോഗ്യത്തിന് നല്ലതാണ്. വ്യായാമം ചെയ്യുന്നതിലൂടെ 25ശതമാനത്തോളം കൊളസ്ട്രോള് സാധ്യത കുറക്കാം. ഏറ്റവും അനുയോജ്യം നീന്തല്, നടത്തം പോലുള്ള എയ്റോബിക് വ്യായമങ്ങളും, ഭാരമെടുത്തുള്ളതോ ശരീരഭാരം ഉപയോഗപ്പെടുത്തിയുള്ളതോ ആയ റെസിസ്റ്റന്റ് വ്യായാമങ്ങളുമാണ്.
കുറയ്ക്കാം ട്രാന്സ്ഫാറ്റ്
ട്രാന്സ്ഫാറ്റുകള് കൊഴുപ്പിന് ഓക്സീകരണം വരുത്തി രക്തക്കുഴലുകള്ക്ക് അടവുണ്ടാക്കും. വനസ്പതി പോലുള്ള ഖരാവസ്ഥയിലുള്ള എണ്ണകള് ട്രാന്സ്ഫാറ്റ് ആണ്. ചിപ്സ്, വറപൊരികള്, കുക്കീസ്, ബിസ്ക്കറ്റ്, ബേക്കറി പലഹാരങ്ങള് എന്നിവയിലെല്ലാം ട്രാന്സ്ഫാറ്റ് ഉണ്ടാകും. ഇവ കഴിക്കുന്നത് കുറക്കുക.
മുട്ട കഴിക്കുമ്പോള് ശ്രദ്ധിക്കാം
ഒരു മുട്ട മഞ്ഞയില് നിന്ന് 250 മി.ഗ്രാം കൊളസ്ട്രോള് ലഭിക്കും. അനുവദനീയമായ 300മി.ഗ്രാം കൊളസ്ട്രോളിനെക്കാളും വളരെ കൂടുതലാകാമെന്നതിനാല് പതിവായി മുട്ട കഴിക്കുന്നത് നല്ലതല്ല.
മീന് കഴിക്കാം
മത്തി, അയല, ചൂര, കോര എന്നിവയിലെല്ലാം ഉള്ള നിയാസിനും ഒമേഗ കൊഴുപ്പും ചീത്ത കൊളസ്ട്രോളിന്റെ ഓക്സീകരണം തടയുന്നു. നല്ല കൊളസ്ട്രോള് അളവ് വര്ധിപ്പിക്കുകയും ചെയ്യും. ഒലിവെണ്ണ, അണ്ടിപ്പരിപ്പ്, ബദാം, വാന്നട്ടുകള്, അവക്കാഡോ പോലുള്ളവയില് കൊഴുപ്പ് കൂടുതലായി അടങ്ങിയിട്ടുണ്ട്. ഇവയുടെ ഉപയോഗം കുറക്കാം.
ഓട്സ് കഴിക്കാം
ഓട്സില് അടങ്ങിയിരിക്കുന്ന ബീറ്റാഗ്ലൂക്കന് എന്ന ജലത്തില് ലയിക്കുന്ന നാരാണ് കൊളസ്ട്രോള് കുറക്കാന് സഹായിക്കുന്നത്. കൊളസ്ട്രോള് ഫാമിലിയിലെ വില്ലനായ എല്ഡിഎല്ലിന്റെ അളവ് കുറക്കാന് ഇത് സഹായിക്കും. ഗ്രൗണ്ട് ഓട്സാണ് കൂടുതല് നല്ലത്.