മുംബൈ: ലയനം യാഥാര്ത്ഥ്യമാകുന്നതോടെ ടെലികോം മേഖലയില് ആയിരക്കണക്കിന് പേര്ക്ക് തൊഴില് നഷ്ടമാകും. നടപ്പ് സാമ്പത്തിക വര്ഷം അവസാനത്തോടെ 65,000 പേരാണ് തൊഴില് രഹിതരാകുക. ഫോഴ്സിങ് ഓപ്പറേറ്റേഴ്സ്, ഇന്ഫ്രാസ്ട്രക്ചര് പ്രൊവൈഡേഴ്സ്, ടവര് കമ്പനികള്, റീട്ടെയില് യൂണിറ്റുകള് എന്നീ മേഖലകളിലുള്ളവര്ക്കാകും പ്രധാനമായും ജോലി നഷ്ടമാകുക.
അതേമസയം, ആര്ട്ടിഫിഷ്യല് ഇന്റലിജന്സുമായി ബന്ധപ്പെട്ട മേഖലയില് കുറച്ചുപേര്ക്ക് തൊഴില് ലഭിക്കാനം സാധ്യതയുണ്ട്. കസ്റ്റമര് സപ്പോര്ട്ട്, ഫിനാന്സ് തുടങ്ങിയ മേഖലകളിലുള്ളവര്ക്കാകും വ്യാപകമായി തൊഴില് നഷ്ടമാകുകയെന്ന് തൊഴിലാളികളെ നല്കുന്ന സ്ഥാപനമായ ടീംലീസ് സര്വീസ് പറയുന്നു. ഇരുമേഖലകളിലുമായി യഥാക്രമം 8,000, 7,000 പേര്ക്ക് തൊഴില് നഷ്ടമാകുമെന്നാണ് വിലയിരുത്തല്. 25 ലക്ഷത്തോളം പേരാണ് നിലവില് ടെലികോം സെക്ടറില് ജോലി ചെയ്യുന്നത്.